Aashiqui Mein Meer Jaise Khawb Mat Dekha Karo
baowle Ho Jao Ge Mehtab Mat Dekha Karo
Jasta Jasta Parh Liya Karna Mazameen E Wafa
Per Kitab E ishq Ka Har Baab Mat Dekha Karo
is Tamashe Mein Ulat Jati Hain Aksar Kashtiyan
Doobne Walon Ko Zair E Aab Mat Dekha Karo
Mayqade Mein Kya Takalluf, Maykashi Mein Kya Hijab
Bazm E Saaqi Mein Adab Adaab Mat Dekha Karo
Hum Se Darweshon Ke Ghar Aao To Yaaron Ki Tarah
Har Jagah Khas Khana O Barfaab Mat Dekha Karo
Maange Taange Ki Qabaen Deir Tak Rehti Nahi
Yaar Logon Ke Laqab Alqaab Mat Dekha Karo
Tishnagi Mein Lab Bhigo Lena Bhi Kafi Hai Faraz
Jaam Mein Sehba Hai Ya Zehraab Mat Dekha Karo.>.
No comments:
Post a Comment