Guftagoo Achi Lagi Zaok-E-Nazar Acha Laga

Guftagoo Achi Lagi Zaok-E-Nazar Acha Laga

MuddatoN Ke Baad Koi Ham'Safar Acha Laga

Har Tarha Ki Be'Sar-O-Samaniyon Ke Ba'Wajood
Aaj Wo Aaya To Mujh Ko Apna Ghar Acha Laga

Kya Bura Tha Gar Para Rehta Teri Dehleez Par
Tu Hi Batla Kya Tujhe Wo Dar-Ba-Dar Acha Laga

Kon Maqtal ME Na Pohncha Kon Zaalim Tha Jise
Tere Qatil Se Zyada Apna Sar Acha Laga

Ham Bhi Qayel HaiN Wafa-E-Ustawari Ke Magar
Koi Pooche Kon Kis Ko Um'r Bhar Acha Laga

Meer ki Manind Gar'che Zeest Karta Tha Faraz
Ham Ko Wo Aashufta'khoo Shayer Mager Acha Laga...!